Vizyonaj

gade bouch li
yon zòtolan k ap pran vòl
rive sou wout
kase tèt tounen
yon souri nan kwen k ap lemante kè m
yon fèy bwa k ap tonbe

gade bouch li
yon sous dlo benit
nan sezon sechrès
l ap souse koule sou beton
ala naje m ta naje
ban m dlo cheri
mwen swaf

Kermonde Lovely Fifi

Auteur de l’article : admin

1 commentaire sur “Vizyonaj

    Guy-Gérald Ménardd

    (juillet 11, 2019 - 7:21 )

    Bèl kout plim anba men yon powèt bouch siwolin

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *